آرمی تنصیبات پر توڑ پھوڑ کے الزام میں راولپنڈی میں پی ٹی آئی رہنماؤں سمیت ایک درجن سے زائد افراد کیخلاف مقدمہ درج ۔
ہم نیوز کے مطابق سب انسپکٹر کی مدعیت میں مقدمہ تھانہ آر اے بازار راولپنڈی میں درج کیا گیا،مقدمے میں راجہ بشارت اور خالد جدون سمیت 17افراد کو نامزد کیا گیا ہے
دوسری جانب لاہور میں بھی چئیرمین تحریک انصاف عمران خان کی گرفتاری کے بعد پرتشدد کارروائیوں کے معاملہ میں پی ٹی آئی کی مقامی قیادت سمیت 80 نامعلوم افراد کیخلاف مقدمہ درج کرلیاگیا۔
ایف آئی آر کے مطابق مشتعل مظاہرین نے قومی سلامتی کے اداروں کے خلاف نعرے بازی اور گالم گلوچ کی ،حماد اظہر اور دیگر قیادت مشتعل کارکنوں کےساتھ مال روڈ پر پتھراو کرتے رہے۔
پتھرائو کی زد میں آکر سی سی ٹی وی کیمرے اور دیگر سرکاری املاک کو نقصان پہنچا،ملزمان نےمجرمانہ سازش کرکے دفعہ 144 کی خلاف ورزی کی۔