وفاقی وزیر داخلہ رانا ثںا اللہ نے کہا ہے کہ پولیس فورس کی بہتری کیلئے تمام وسائل فراہم کیے جائیں گے۔
پولیس ہیڈ کورٹرز میں منعقدہ تقریب سے خطاب کرتے ہوئے انہوں نے کہا کہ پولیس فورس کی فلاح وبہبود ہماری اولین ترجیح ہے۔
شہدا کی فیملیز کا خیال رکھنا ہمارا فرض اور ذمہ داری ہے،شہدا نے اپنی جانوں کی قربانی کر کے ہماری حفاظت کی۔
اسلام آباد پولیس کا ایک مطالبہ تنخواہوں میں اضافے کا تھا ،اسلام آباد پولیس کی تنخواہیں بڑھا کر پنجاب پولیس کے برابر کر دی گئی ہیں۔
وزیراعظم نے خادم اعلیٰ پنجاب کے طور پر پنجاب میں امن قائم کیا ،پنجاب میں سیف سٹی ، کاونٹر ٹیرارزم اور ڈولفن پولیس کا قیام عمل میں لایا گیا۔
لاہور میں ڈولفن فورس نہ بنائی جاتی تو اس کا حال کراچی سے بھی برا ہوتا ،وزیراعظم شہباز شریف نے لاہور کو سیف سٹی ادارے کا تحفہ دیا۔
ایک اور موقع دیا جاتا تو پنجاب کے تمام شہروں میں سیف سٹی قائم ہوتا۔