پنجاب کے تمام اضلاع میں موٹرسائیکل سواروں کیلئے ہیلمٹ پہننا لازمی قراردیدیا گیا ہے۔
ڈی آئی جی ٹریفک پولیس پنجاب کی جانب سے فوری عملدر آمد کیلئے مراسلہ جاری کیا گیا ہے جس کے مطابق خلاف ورزی کرنے والے افراد کیخلاف سخت کارروائی عمل میں لائی جائے گی۔
فیصلہ قیمتی جانوں کے ضیاع کے بڑھتے واقعات کی روک تھام اور روڈ سیفٹی یقینی بنانے کیلئے کیا گیا ہے ۔
مراسلہ تمام اضلاع کے چیف ٹریفک افسرز اور ٹریفک پولیس افسرز کو جاری کردیا گیا۔