پہاڑی چوٹی نانگا پربت میں پھنس جانے والے پاکستانی کوہ پیما آصف بھٹی کیمپ ٹو پہنچ گئے۔
کوہ پیما آصف بھٹی تین روز قبل اسنو بلائنڈنیس کا شکار ہو کر کیمپ فور میں پھنس گئے تھے جنہیں آج ریسکیو کر لیا گیا۔
ذرائع کے مطابق صبح موسم بہتر ہوا تو آصف بھٹی کو ہیلی کاپٹر کے ذریعے نیچے لایا جائے گا اور موسم بہتر نہ ہونے کی صورت میں ریسکیو کلائمبرز آصف بھٹی کو بیس کیمپ لائیں گے۔
آصف بھٹی کو ریسکیو کرانے میں خاتون کوہ پیما نائلہ کیانی نے اہم کردار ادا کیا۔ واضح رہے کہ 8126 میٹر بلند نانگا پربت دنیا کی نویں بلند ترین چوٹی ہے جسے گزشتہ دنوں پاکستان کی خاتون کوہ پیما نائلہ کیانی نے سر کیا اور وہ نانگا پربت سر کرنے والی پہلی پاکستانی کوہ پیما بن گئی ہیں۔
یہ بھی پڑھیں:
آصف بھٹی آذربائیجان کے کوہ پیما اسرافیل کی مدد سے دھیرے دھیرے نیچے کی طرف آئے جبکہ ریسکیو کے لیے جانے والے فضل علی اور محمد یونس بھی آصف بھٹی کے ساتھ موجود تھے۔