مردہ بیوی کو لینے بس سے اسپتال گیا۔۔ سب کو ہنسانے والے سلیم البیلا کی زندگی کے ان کہے دکھ جنھوں نے شو کی میزبان کو بھی رلا ڈالا

image

اسٹیج پر چٹکلے چھوڑنے والے فنکاروں کو دیکھ کر کوئی نہیں کہہ سکتا کہ ان کی زندگی کس قدر دکھوں سے بھرپور ہوگی۔ بظاہر یہ سارا دن ہنستے ہنساتے ہیں لیکن ان کی ہنسی کے پیچھے ہی زندگی کے وہ درد ہوتے ہیں جن کو سمجھ کر یہ دوسروں کے ہونٹوں پر مسکراہٹ بکھیرتے ہیں۔ ایسے ہی ایک فنکار سلیم البیلا ہیں۔

سلیم البیلا نے حال ہی میں ایک پوڈ کاسٹ میں شرکت کی اور اپنی نجی زندگی کے متعلق بات کرتے ہوئے بتایا کہ ان کی اہلیہ جو کہ ان کی کزن بھی تھیں پہلے بچے کو جنم دیتے ہی دنیا سے چلی گئیں۔ اس طرح ان کا بیٹا دنیا میں آتے ہی ماں کے سائے سے محروم ہوگیا۔ جس وقت انھیں بیوی کے انتقال کی خبر ملی وہ کام میں مصروف تھے۔ ان کے پاس اپنی گاڑی نہیں تھی نہ ہی اتنے پیسے کہ وہ ٹیکسی یا رکشہ کرتے اس لئے بیٹے اور مردہ بیوی کو دیکھنے انھیں بس پر جانا پڑا۔

سلیم البیلا کی زندگی کا یہ کڑوا سچ سن کر پروگرام کی میزبان ارزا خان رو پڑیں۔ سلیم البیلا کا کہنا تھا کہ ان کے ماموں ممانی کا انتقال ہوگیا تھا اس لئے ان کی ماں اپنی بھتیجی کو ہی بہو بنا کر اپنے پاس رکھنا چاہتی تھیں۔ اس لئے ان کی شادی کم عمری میں ہوگئی لیکن بیوی کا انتقال بھی جلدی ہوگیا۔ یہ سانحہ ان کی یادوں میں آج بھی تازہ ہے۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US