مسلم لیگ نواز کی چیف آرگنائزر مریم نواز شریف کے اثاثوں کی تفصیلات بھی منظر عام پر آ گئی ہے۔لاہور سے قومی اسمبلی کی نشست این اے 119 کے لیے جمع کرائے گئے کاعذات نامزدگی کے ساتھ مریم نواز نے اپنے اثاثوں کی تفصیلات بھی دی ہیں۔اثاثوں کی تفصیلات کے مطابق مریم نواز اپنے بھائی حسن نواز کی 2 کروڑ 89 لاکھ روپے سے زائد کی مقروض ہیں۔
مریم نواز شریف نے اپنے اثاثوں میں لاہور کے مختلف موضع جات میں 84 کروڑ 25 لاکھ 84 ہزار روپے سے زائد مالیت کی 1500 کنال سے زائد اراضی ظاہر کی ہے۔
مریم نواز شریف نے اثاثوں میں ایک سال کے دوران 40 لاکھ روپے سے زائد کا اضافہ ظاہر کیا ہے۔الیکشن کمیشن کے پاس جمع تفصیلات کے مطابق مریم نواز کسی گاڑی کی مالک نہیں ہیں۔مریم نواز شریف نے 17 لاکھ 50 ہزار روپے مالیت کا سونا بھی اپنی ملکیت ظاہر کیا ہے۔مریم نواز شریف کے پاس مختلف بینک اکاؤنٹس اور کیش کی صورت میں ایک کروڑ روپے سے زائد کی رقم موجود ہے۔ مریم نواز نے اثاثوں میں ایک کروڑ 22 لاکھ مالیت کے مختلف کمپنیوں میں 11 لاکھ 20 ہزار شئیرز ظاہر کیے ہیں۔مریم نواز شریف نے مسلم لیگ ن کو پارٹی ٹکٹ کے لیے 2 لاکھ روپے کی ادائیگی بھی اپنے کاعذات نامزدگی میں ظاہرکی ہے۔کاعذات نامزدگی میں مریم نواز شریف نے اپنی تعلیمی قابلیت ایم اے انگلش لٹریچر ظاہر کی ہے۔