کے الیکٹرک نے کراچی میں اپنے بورڈ آف ڈائریکٹرز کا اہم اجلاس طلب کرلیا ہے، جس میں نیپرا ایپلٹ ٹربیونل کی جانب سے کے الیکٹرک کی ٹیرف بحالی کی پٹیشن مسترد کیے جانے کے فیصلے کا تفصیلی جائزہ لیا جائے گا۔
نیپرا نے کے الیکٹرک کا ٹیرف 39 روپے سے کم کر کے 32.37 روپے فی یونٹ کر دیا تھا، جس کے خلاف کے الیکٹرک نے ایپلٹ ٹربیونل سے رجوع کیا تھا، تاہم ٹربیونل نے پٹیشن مسترد کرتے ہوئے نیپرا کا طے کردہ موجودہ ٹیرف ہی برقرار رکھا ہے۔
ذرائع کے مطابق، بورڈ اجلاس میں ایپلٹ ٹربیونل کے اس فیصلے اور نیپرا ٹیرف کو اعلیٰ عدالت یعنی ہائی کورٹ میں چیلنج کرنے کے امکانات اور قانونی چارہ جوئی پر غور کیا جائے گا۔