تحریک انصاف کے رہنما اور سابق اسپیکر قومی اسمبلی اسد قیصر نے کہا ہے کہ عمر ایوب کے علاوہ اگر کوئی اور وزیراعظم بنتا ہے تو وہ جعلی وزیراعظم ہوگا۔
پی ٹی آئی اور جے یو آئی شیرانی گروپ کے رہنماؤں کے اجلاس کے بعد مشترکہ پریس کانفرنس کرتے ہوئے انہوں نے کہا کہ عمر ایوب ہمارے وزیراعظم کے امیدوار ہیں۔ سب سے بڑی جماعت تحریک انصاف ہے،منصوبہ بندی کے تحت ہمارا انتخابی نشان چھینا گیا۔
سنی اتحاد کونسل سے اتحاد کی تجویز خود ایم ڈبلیو ایم نے دی، عمر ایوب
اسد قیصر کا کہنا تھا کہ کمشنر راولپنڈی کے انکشافات کے بعد واضح ہوگیا کہ کتنی بڑی دھاندلی ہوئی۔ ہمارا مطالبہ ہے کہ فارم 45 کے مطابق نتائج جاری کیے جائیں اور کمشنر راولپنڈی کے الزامات پر جوڈیشل انکوائری کرائی جائے۔
دوسری طرف چیئرمین پی ٹی آئی بیرسٹر گوہر علی خان نے کہا ہے کہ پی ٹی آئی اور شیرانی گروپ کا اتحاد قائم رہے گا۔ مولانا گل نصیب انکی درخواست پر الیکشن سے دستبردار ہوئے۔