صوبائی دارالحکومت پشاور میں امن و امان کی صورتحال کے جائزے کے لیے خصوصی سیکیورٹی کمیٹی کا اجلاس آج طلب کر لیا گیا ہے۔
اجلاس میں وزیر اعلیٰ خیبرپختونخوا، اپوزیشن لیڈر کے علاوہ حکومتی اور اپوزیشن جماعتوں کے ارکان شرکت کریں گے۔
اس موقع پر انسپکٹر جنرل پولیس خیبرپختونخوا صوبے کی مجموعی سیکیورٹی صورتحال پر کمیٹی کو تفصیلی بریفنگ دیں گے۔
واضح رہے کہ صوبے میں امن و امان کی بہتر صورتحال کے لیے 39 اراکین پر مشتمل خصوصی سیکیورٹی کمیٹی تشکیل دی گئی ہے جو موجودہ حالات کا جائزہ لے کر مؤثر حکمتِ عملی اور سفارشات پیش کرے گی۔