ایبٹ آباد۔ 29 فروری (اے پی پی):ایبٹ آباد پولیس کا جرائم پیشہ عناصر کے خلاف کریک ڈاون جاری ہے۔ضلعی پولیس سربراہ ایبٹ آباد عمر طفیل کی ہدایت پر ایس ایچ او رجوعیہ تنویر خان نے اس سلسلہ میں بھاری نفری کے ہمراہ تھانہ کی حدود میں سرچ اینڈ سٹرائیک آپریشن کیا،
متعدد گھروں کی بذریعہ لیڈیز پولیس خانہ تلاشی کی گئی، اس دوران پولیس نے غیرقانونی اسلحہ اور رینٹل بلڈنگ ایکٹ کے تحت مقدمات درج کر کے 5 پستول، ایک بندوق، ایک رائفل اور کثیر تعداد میں کارتوس مختلف بور برآمد کر لئے۔