اسلام آباد۔29فروری (اے پی پی):مسلم لیگ(ن) کے نو منتخب رکن قومی اسمبلی احسن اقبال کہا ہے کہ تمام جماعتوں کی ذمّہ داری ہے کہ وہ ملک کو معاشی اور سیاسی بحران سے نکالنے میں اپنا کردار ادا کریں۔جمعرات کو پارلیمنٹ ہاؤس میں میڈیا سے گفتگو کرتے ہوئے کیا ۔انہوں نے کہا کہ کوئی ایک پارٹی ملک کو بحرانوں سے نہیں نکال سکتی ۔تمام سیاسی جماعتیں اپنی اپنی جگہ اس میں کردار ادا کر سکتی ہیں ۔
انہوں نے کہا کہ تمام جماعتوں کو متحد ہوکے میثاقِ معیشت پہ بات کرنی چاہیے۔انہوں نے کہا کہ مسلم لیگ(ن) ملک میں ترقیاتی کاموں کو اسی رفتار سے دوبارہ شروع کرے گی جس رفتار سے ہم نے 2013 سے 2018 میں چھوڑا تھا ۔انہوں نے کہا کہ ہم نے یہ فیصلہ بھی کرنا ہے کہ ہم نے ملک کو برآمدات کے ذریعے بحران سے نکالنا ہے یا قرضوں سے ۔انہوں نے کہا کہ تمام سٹیک ہولڈرز کو ان تمام آ پشنز پہ بات کرنی چاہیے ۔