اسلام آباد۔23مارچ (اے پی پی):پاکستان سمیت دنیا بھر میں غلامی ،غلاموں کی تجارت کے متاثرین کا عالمی دن (کل) پیر 25 مارچ کو منایا جائے گا۔
دنیا بھر میں ہر سال 25 مارچ کو یہ عالمی دن انسانیت کے خلاف تاریخ کے ایک ہولناک ترین جرم کے متاثرین کی یاد میں منایا جاتا ہے۔اس جرم کو 400 سال سے زیادہ عرصہ تک اور انیسویں صدی میں بھی قانونی حیثیت حاصل رہی جس کے نتیجے میں 15 ملین سے زیادہ مردوخواتین اور بچوں کو اپنے علاقوں سے جبری بیدخلی کا سامنا کرنا پڑا۔غلامی ،غلاموں کی تجارت کے متاثرین کے عالمی دن کے موقع پر ملک بھر میں سرکاری و غیر سرکاری اداروں کے زیر اہتمام مختلف تقریبات کا انعقاد کیا جائے گا۔