اسلام آباد۔24مارچ (اے پی پی):پاکستان سمیت دنیا بھر میں تپ دق (ٹی بی ) سے بچائو کا عالمی دن(24مارچ اتوار کو )منایا گیا۔اس دن کو منانے کا مقصدمہلک اور اچھوت مرض ٹی بی کی علامات، بچائو اور علاج اور پرہیز وغیرہ کے متعلق عوام میں شعور و آگہی بیدار کرنا تھا ۔اس دن کی مناسبت سے ملک بھر میں صحت اور سماجی تنظیموں کے زیر اہتمام منعقدہ تقریبات میں طبی ماہرین ٹی بی کے بڑہتے ہوئے مرض کے بارے میں عوام کو آگاہی اور اس مہلک لیکن قابل علاج مرض کی وجوہات،علامات،پرہیز اور اس کے تدارک کے متعلق معلومات بھی فراہم کیں۔