اسلام آباد۔3جون (اے پی پی):سپیکر قومی اسمبلی سردار ایاز صادق نے کوئٹہ میں کان کنوں کے جانی نقصان پر گہرے دکھ اور افسوس کا اظہار کیا ہے ۔ پیر کو اپنے تعزیتی پیغام میں انہوں نے کہا کہ زہریلی گیس بھر جانے سے دس سے زائد کان کنوں کی ہلاکت کی خبر پر دل افسردہ ہے۔اسپیکر نےواقعہ میں جاں بحق ہونے والے کان کنوں کے اہلخانہ سے دلی ہمدردی کا اظہار کیا اور کہا کہ غمزدہ خاندانوں کے دکھ میں برابر کے شریک ہیں۔ سپیکر نےاللہ تعالیٰ سے مرحومین کی مغفرت کی دعا کی ۔