راولپنڈی۔4جون (اے پی پی):اینٹی نارکاٹکس فورس نے منشیات سمگلنگ کے خلاف ملک گیر آپریشنز کے دوران 5 کارروائیوں میں 49 کلو گرام منشیات برآمد کر کے 3 ملزمان گرفتارکر لیے۔
اے این ایف ہیڈکوارٹر راولپنڈی سے جاری بیان کے مطابق گزشتہ چوبیس گھنٹوں کے دوران ملک بھر میں انسداد منشیات آپریشنز کیے گئے جن میں اسلام آباد میں کوریئر آفس میں آسٹریلیا بھیجے جانے والے پارسل سے 4.4 کلوگرام آئس برآمدکی گئی ۔اسلام آباد ایئرپورٹ پر دوحہ جانے والے مسافر سے 424 گرام آئس برآمدکی گئی ۔پنجگور سے 35 کلوگرام چرس برآمدکی گئی ۔سیالکوٹ میں ملزم سے 6 کلو گرام چرس برآمدکی گئی ۔قاسم چوک روڈ حیدرآباد کے قریب ملزم سے 4 کلوگرام افیون برآمدکی گئی۔ ترجمان نے بتایا کہ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے