موسم کے پیش نظر محمکہ تعلیم نے اسکولز کی تعطیلات 14 اگست تک بڑھانے کا فیصلہ کر دیا ہے۔
تفصیلات کے مطابق، وزیر تعلیم سندھ سید سردار علی شاہ کی ہدایت پر گزشتہ شب محکمہ تعلیم نے 14 اگست تک اسکولز میں تعطیلات بڑھانے کا نوٹیفکیشن جاری کردیا۔
وزیر تعلیم سندھ کا کہنا تھا کہ، شدید گرمی اور بارشوں کی پیش نظر چھٹیوں میں اضافے کا فیصلہ کیا گیا ہے۔
ان کا مزید کہنا تھا کہ، تعلیمی اداروں میں 14 اگست سے ہم نصابی سرگرمیوں کو جاری رکھا جائے گا، ساتھ ہی تمام نجی و سرکاری اسکولز جشن آزادی سے متعلق پروگرامز منعقد کریں گے۔
سردار علی شاہ نے کہا کہ تعطیلات کے بعد سندھ میں نیا تعلیمی سال 15 اگست سے شروع ہوگا۔