پاکستان تحریک انصاف نے خیبر پختونخوا میں مخصوص نشستیں 9 مئی کے واقعات میں جاں بحق ہونے والے کارکنوں کے خاندانوں کو دینے کا فیصلہ کر لیا ہے ۔
ذرائع کے مطابق خواتین کی مخصوص نشستیں 9 مئی واقعات میں جاں بحق ہونے والے کارکنوں کی بیواؤں کو دی جائینگی، جاوید اکاخیل ،سکندر، محمد بلال ،ابرار احمد اور جاوید گل کی بیوائوں کو مخصوص نشست دی جائیگی۔
مخصوص نشستیں ، پی ٹی آئی کی 35 رکنی فہرست سامنے آ گئی ، قومی اسمبلی کیلئے 14 نام فائنل
ذرائع کا کہنا ہے کہ مخصوص نشستیں جاں بحق کارکنوں کی بیواؤں کو دینے کا فیصلہ بانی چیئرمین عمران خان کی ہدایت پر کیا گیا ہے ۔
واضح رہے کہ سپریم کورٹ نے سنی اتحاد کونسل کی مخصوص نشستوں سے متعلق درخواستوں کے فیصلے میں الیکشن کمیشن اور پشاور ہائیکورٹ کے فیصلے کالعدم قرار دیتے ہوئے کہا تھا کہ پاکستان تحریک انصاف مخصوص نشستوں کی حقدار ہے۔