وفاقی وزیر احسن اقبال نے کہا ہے کہ پاکستانی شہری دنیا میں مشکل کاشکارہوگا توحکومت اس کے ساتھ کھڑی ہے۔
شام سے پاکستانیوں کی وطن واپسی پراحسن اقبال کی اسلام آباد ایئرپورٹ پرگفتگو کرتے ہوئے کہا کہ شام کی تازہ صورتحال کے پیش نظرزائرین وہاں پھنس گئے تھے، تمام شہریوں کوبحفاظت واپس آنے پرمبارک باد دیتا ہوں۔
حکومت کی معاشی کوششوں سے ملک میں روزگار کے مواقع بڑھے ہیں، وزیراعظم
وفاقی وزیر نے کہا کہ وزیراعظم نے لبنانی ہم منصب سے رابطہ کرکے پاکستانیوں کی واپسی کی راہ ہموارکی ہے، لبنانی وزیراعظم سے کہا تھا جس کے پاس پاکستانی پاسپورٹ ہے اسے ویزا تصورکریں۔
انہوں نے مزید کہا کہ وطن واپس آنے والوں کوگھروں تک پہنچانے کابندوبست کیا گیا ہے، ہم ایک قوم ہیں، قوم کا دکھ اورسکھ سانجھا ہوتاہے، پاکستانیوں کی واپسی پرپوری قوم نے سکھ کا سانس لیا ہے۔