بنگلادیش ائیرفورس کا تربیتی طیارہ ڈھاکا میں گرکر تباہ ہونے کے نتیجے میں 19 افراد ہلاک ہوگئے۔
بنگلادیشی میڈیا کے مطابق پیر کو تربیتی طیارے نے مقامی وقت کے مطابق ایک بجکر 6 منٹ پر پرواز بھری اور بعدازاں طیارہ ڈھاکا کے علاقے اتارا میں کالج کی عمارت پر گرکر تباہ ہوگیا جس کے نتیجے میں 19 افراد ہلاک ہوگئے۔
بنگلادیشی میڈیا نے واقعے میں ایک شخص کے ہلاک ہونے کی تصدیق کرتے ہوئے بتایا کہ واقعے کے بعد ریسکیو اداروں نے موقع پر پہنچ کر امدادی کارروائیاں شروع کیں جب کہ حادثے کے بعد کالج کی عمارت میں آگ بھڑک اٹھی اور عمارت کو شدید نقصان پہنچا۔
بنگلادیشی فوج نے بھی ائیرفورس کے تربیتی طیارے ایف 7 بی جی آئی کو حادثہ پیش آنے کی تصدیق کردی ہے تاہم ہلاکتوں اور پائلٹ سے متعلق کوئی معلومات جاری نہیں کی گئی۔
ریسکیو حکام کے مطابق حادثے میں متعدد افراد زخمی ہوئے ہیں جنہیں فوری طبی امداد کے لیے سی ایم ایچ منتقل کیا گیا ہے۔