شاہراہ کاغان پر عارضی راستہ بنا کر ٹریفک کی روانی بحال کر دیگئی ہے، مذکورہ سڑک لینڈ سلائیڈنگ کی وجہ سے بند تھی۔
کاغان ڈیولپمنٹ اتھارٹی حکام نے کہا ہے کہ بالاکوٹ میں جلکھڈ کے مقام سے بند شاہراہ کاغان کی بحالی کاکام جاری ہے جبکہ شاہراہ کاغان عارضی راستہ بنا کر ٹریفک بحال کردی گئی ہے۔
حکام کے مطابق شاہراہ کاغان کو ٹریفک کے لیے مکمل کھولنے کاکام جاری ہے، پاک آرمی کے ہیلی کاپٹر نے جلکھڈ میں گزشتہ روز سے محصور سیاحوں میں جوس، بسکٹ اور پانی تقسیم کیا۔
کے ڈی اے حکام نے بتایا کہ جلکھڈ میں سڑک بندش کے بعد محصور 400 سیاحوں کو ہوٹلوں میں محفوظ طریقے سے منتقل کردیا گیا تھا۔