پشاور تعلیمی بورڈ نے 11ویں جماعت کے سالانہ نتائج کا اعلان کر دیا ہے۔ امتحانات میں شریک 66 ہزار 695 طلبہ و طالبات میں سے 29 ہزار 487 کامیاب ہوئے جبکہ 37 ہزار 208 طلبہ مختلف مضامین میں فیل ہوگئے۔
اعداد و شمار کے مطابق اس سال کامیابی کا تناسب 44 فیصد رہا اور 56 فیصد طلبہ ناکام قرار پائے۔
بورڈ حکام کا کہنا ہے کہ پالیسی کے تحت فیل ہونے والے طلبہ کو بھی 12ویں جماعت میں پروموٹ کر دیا جائے گا تاکہ وہ اپنی تعلیم جاری رکھ سکیں۔ تاہم ان طلبہ کو اگلے مرحلے میں دوبارہ امتحانات دے کر مضامین کلیئر کرنے ہوں گے۔