وزیراعظم نے تمام وفاقی وزراء، وزرائے مملکت اور ارکانِ پارلیمنٹ کے غیر ملکی دورے فی الفور منسوخ کر دیے ہیں۔
وزیراعظم کی جانب سے جاری ہدایات میں کہا گیا ہے کہ تمام وزراء اور ارکانِ پارلیمنٹ اسلام آباد میں موجود رہیں اور بغیر اجازت نامہ کے شہر سے باہر نہ جائیں۔
یہ اقدام عوامی خدمت یا حکومتی کفایت شعاری مہم کے تحت نہیں بلکہ ایک اہم شخص کے لیے مجوزہ آئینی ترمیم کے سلسلے میں اٹھایا گیا ہے۔ ترمیم کے حوالے سے وزیراعظم نے تمام حکومتی نمائندگان کو پارلیمنٹ میں دستیابی یقینی بنانے کی ہدایت کی ہے۔
حکومتی حلقوں میں یہ فیصلہ غیر معمولی اہمیت اختیار کر گیا ہے، جبکہ سیاسی تجزیہ کاروں کا کہنا ہے کہ ارکانِ پارلیمنٹ کو اسلام آباد میں روکنے کا مقصد پارلیمانی کارروائی کے دوران ووٹنگ کے موقع پر اکثریت کو یقینی بنانا ہے۔