اسلام آباد کے علاقے بحریہ انکلیو فیز ون میں حساس ادارے کے ریٹائرڈ افسر ایئر کموڈور عبدالسلام نے مبینہ طور پر خودکشی کرلی۔
واقعہ کی اطلاع ملتے ہی تھانہ بنی گالہ پولیس جائے وقوعہ پر پہنچ گئی اور شواہد اکٹھے کرنا شروع کردیئے۔
پولیس حکام کے مطابق ابتدائی طور پر واقعہ کو خودکشی قرار دیا جا رہا ہے تاہم حتمی رائے فرانزک رپورٹ اور دیگر شواہد کی جانچ کے بعد قائم کی جائے گی۔ پولیس نے لاش کو پوسٹ مارٹم کے لیے اسپتال منتقل کر دیا ہے۔
پولیس کا کہنا ہے کہ واقعہ کی ہر پہلو سے تحقیقات جاری ہیں اور اہلخانہ کے بیانات بھی قلمبند کیے جا رہے ہیں۔ واقعہ کے مزید حقائق تحقیقات مکمل ہونے کے بعد سامنے آئیں گے۔