وزیرِ اعلیٰ سندھ سید مراد علی شاہ نے شکارپور میں پولیس آپریشن کے دوران زخمی اہلکاروں کی بہادری کو سراہا اور ان کے جلد صحت یابی کے لیے دعا کی اور عیادت کا پیغام بھیجا۔
وزیرِ اعلیٰ سندھ نے ڈی ایس پی سٹی پارس بکرانی، ڈی ایس پی گڑھی یاسین ظہور سومرو اور دیگر دو اہلکاروں کے بہترین علاج معالجے کو یقینی بنانے کے لیے اسپتال انتظامیہ کو فوری ہدایات جاری کیں۔ انہوں نے کہا کہ جو ڈاکو سرینڈر نہیں کریں گے ان سمیت دیگر جرائم پیشہ عناصر کے خلاف کارروائیاں مزید تیز کی جائیں گی۔
وزیرِ اعلیٰ سندھ نے آئی جی پولیس کو ہدایت کی کہ شکارپور میں امن و امان ہر قیمت پر برقرار رکھا جائے۔ جرائم پیشہ عناصر کے مکمل خاتمے کے لیے پولیس آپریشن وسیع کیا جائے اور امن و امان خراب کرنے والوں کے خلاف کسی قسم کی نرمی نہ برتی جائے۔ انہوں نے مزید کہا کہ عوام کی حفاظت حکومت کی اولین ترجیح ہے۔