عدالت نے ریاستی اداروں پر گمراہ کن الزامات کے کیس میں وزیراعلیٰ خیبر پختونخوا سہیل آفریدی کے وارنٹ گرفتاری جاری کر دیے ہیں۔ عدالتی ذرائع کے مطابق وزیراعلیٰ کی مسلسل عدم حاضری کے باعث یہ اقدام اٹھایا گیا۔
عدالت نے حکم دیا ہے کہ سہیل آفریدی کو گرفتار کر کے عدالت میں پیش کیا جائے تاکہ مقدمے کی کارروائی آگے بڑھائی جا سکے۔ کیس میں مؤقف اختیار کیا گیا ہے کہ وزیراعلیٰ نے ریاستی اداروں کے خلاف غیر ذمہ دارانہ اور گمراہ کن الزامات عائد کیے، جس پر عدالت نے نوٹس لیا۔
عدالت نے واضح کیا کہ قانون سب کے لیے برابر ہے اور کسی بھی عہدے یا منصب پر فائز شخص کو عدالتی احکامات سے استثنا حاصل نہیں۔ کیس کی مزید سماعت 17 جنوری تک ملتوی کر دی گئی ہے۔