بھارتی ریاست ہریانہ میں ایک جوڑے کے ہاں 10 بیٹیوں کے بعد بیٹے کی پیدائش ہوئی جس نے خاندان اور علاقے میں خوشی کی لہر پیدا کر دی۔
رپورٹس کے مطابق 37 سالہ خاتون کی شادی 38 سالہ سنجے کمار سے 2007 میں ہوئی تھی اور 19 سال کے دوران جوڑے کے ہاں 10 بیٹیاں پیدا ہوئیں۔ سنجے کمار نے میڈیا کو بتایا کہ وہ اور ان کی بیٹیاں بیٹے کے لیے بے حد خوش ہیں اور خدا کا شکر ادا کرتے ہیں کہ اب خاندان میں بیٹا بھی شامل ہو گیا ہے۔
سنجے کے مطابق ان کی پہلی بیٹی 12 ویں کلاس کی طالبہ ہے جبکہ بیشتر بیٹیاں اسکول جاتی ہیں۔ میڈیا سے گفتگو کے دوران سنجے بیٹیوں کے نام بھول گئے تاہم انہوں نے کہا کہ وہ اپنی تمام بیٹیوں کو تعلیم دلوانے کے خواہشمند ہیں۔