کراچی کے علاقے شاہ فیصل کالونی ناتھا خان گوٹھ کے گھر میں فائرنگ سے نوجوان کی ہلاکت کا معاملہ خودکشی ثابت کی جارہی ہے۔
پولیس کے مطابق ہلاک نوجوان کی شناخت 25 سالہ حماد محمد کے نام سے ہوئی، جس کی لاش ضابطے کی کارروائی کے لیے جناح اسپتال منتقل کی گئی۔
پولیس کے مطابق فائرنگ سے ہلاک نوجوان نے لڑکی کا رشتے سے انکار پر خودکشی کی ہے، مزید بتایا گیا کہ نوجوان کا رشتہ اپنے ماموں کی بیٹی سے ہوا تھا، جبکہ 2 ماہ قبل اس کا ماموں کی بیٹی سے قبل نکاح بھی ہوچکا تھا۔
خودکشی کی وجہ بتاتے ہوئے پولیس نے کہا ہے کہ ماموں کی بیٹی کی جانب سے رشتے سے انکار پر نوجوان نے دلبرداشتہ ہو کر خود کو گولی مار لی۔