چینی محققین کی ایک ٹیم نے آنکھ کی سرجری کرنے کی صلاحیت رکھنے والا خودکار روبوٹک نظام تیار کیا ہے جس سے ریٹینا کی بیماریوں کے علاج میں سرجری کی درستی اور حفاظت میں نمایاں اضافہ ممکن ہو گا۔
چائنا ڈیلی کے مطابق یہ روبوٹ چین کی اکیڈمی آف سائنسز کے انسٹی ٹیوٹ آف آٹومیشن کے محققین نے تیار کیا ہے۔ حالیہ مطالعے کے مطابق اس نے جانوروں پر کیے گئے تجربات میں سب ریٹینل اور انٹراویسکولر انجیکشنز 100 فیصد کامیابی کے ساتھ لگائے ہیں۔
یہ تحقیق سائنس روبوٹکس جریدے میں شائع ہوئی ہے۔آنکھ کی سرجری، خصوصا ریٹناکی پیچیدہ سرجری، انتہائی مشکل ہوتی ہے کیونکہ آنکھ کی ساخت چھوٹی اور نرم ہوتی ہے۔ نیا نظام ڈی تھری اسپیشل پرسیپشن، درست پوزیشننگ اور الگورتھمز استعمال کرتا ہے تاکہ روبوٹک بازو کی رہنمائی کی جا سکے۔
مطالعے کے مطابق آنکھوں کے مصنوعی ماڈلز، ایکس وائیوو سور کے اور زندہ جانوروں پر تجربات میں یہ روبوٹ دستی سرجری کے مقابلے میں اوسط پوزیشننگ غلطیوں کو تقریبا 80 فیصد، اور سرجن کنٹرول شدہ روبوٹک سرجری کے مقابلے میں تقریبا 55 فیصد کم کر گیا۔محققین کا کہنا ہے کہ یہ نظام سرجری کی معیار، حفاظت اور یکسانیت بڑھا سکتا ہے سرجنوں کی تربیت کے وقت کو کم کر سکتا ہے اور دور دراز یا شدید ماحول میں پیچیدہ آنکھ کی سرجری ممکن بنا سکتا ہے جہاں ماہر سرجن دستیاب نہیں ہوتے۔