بھارتی ایئر فورس کا دو سیٹوں والا مائیکرو لائٹ طیارہ آج اتر پردیش کے ضلع پریاگ راج میں ایک تالاب میں گر کر تباہ ہوگیا۔
کشمیر میڈیا سروس کے مطابق طیارے کو معمول کی تربیت کے دوران انجن میں تکنیکی خرابی کا سامنا کرنا پڑا جس کے باعث پائلٹوں کو کے پی کالج کے قریب تالاب میں ہنگامی لینڈنگ کرنا پڑی۔
ریسکیو آپریشن میں غوطہ خوروں نے اہم کردار ادا کرتے ہوئے پولیس، فائر بریگیڈ کے عملے اور مقامی رہائشیوں کی مدد سے پائلٹس کو بحفاظت بچا لیا۔
حکام نے علاقے کو گھیرے میں لے لیا ہے، واقعے کی تحقیقات شروع کردی گئی ہیں۔