عالمی الیکٹرک موبیلیٹی برانڈ REVOO نے پاکستان میں اپنی پہلی لیتھیم بیٹری سے چلنے والی الیکٹرک بائیکس REVOO A11 LFP اور REVOO A12 LFP باضابطہ طور پر لانچ کر دی ہیں۔
یہ نئے ماڈلز جدید LFP لیتھیم بیٹری ٹیکنالوجی کے ساتھ متعارف کرائے گئے ہیں جو 3 سے 3.5 گھنٹے میں فاسٹ چارج ہوتی ہے۔ کمپنی 36 ماہ کی بیٹری وارنٹی اور 24 ماہ کی موٹر وارنٹی فراہم کر رہی ہے۔
Reborn in Lithiumمہم کے تحت لانچ کی گئی یہ بائیکس بہتر پرفارمنس، زیادہ سیفٹی اور روزمرہ استعمال میں سہولت فراہم کرتی ہیں۔ بائیکس کی رفتار 35 سے 45 کلومیٹر فی گھنٹہ جبکہ رینج 75 سے 100 کلومیٹر فی چارج تک ہے۔
ریوو پاکستان کے کنٹری ہیڈ کائل ڑانگ کے مطابق پاکستان ریوو کے لیے ایک اہم مارکیٹ ہے اور لیتھیم ٹیکنالوجی کا آغاز جدید اور پائیدار الیکٹرک موبیلیٹی حل فراہم کرنے کے عزم کا حصہ ہے۔کمپنی نے آئندہ مہینوں میں مزید لیتھیم ماڈلز Y04، Y06 اور B12 متعارف کرانے کا بھی اعلان کیا ہے۔