گزشتہ مالی سال 2025-26 کے دوران تنخواہ دار طبقے نے 633 ارب روپے انکم ٹیکس ادا کیا، جو برآمد کنندگان، جائیداد کے فروخت کنندگان اور ریٹیل شعبے سے حاصل ہونے والے مجموعی ٹیکس سے بھی زیادہ ہے۔
ایف بی آر کے عبوری اعداد و شمار کے مطابق برآمد کنندگان سے 174 ارب روپے، جائیداد کے فروخت کنندگان سے 191 ارب روپے جبکہ ریٹیل شعبے سے 70 ارب روپے ٹیکس وصول کیا گیا۔ گزشتہ مالی سال میں ایف بی آر نے مجموعی طور پر 13 ہزار 10 ارب روپے کی ٹیکس وصولی کی۔
نئے مالی سال کے لیے ایف بی آر نے 15 ہزار 264 ارب روپے ٹیکس وصولی کا ہدف مقرر کیا ہے۔ حکومت نے تنخواہ دار طبقے اور برآمد کنندگان کو ٹیکس ریلیف دینے کے ساتھ ٹیکس افسران اور شہریوں کے درمیان براہِ راست رابطہ ختم کرنے کا بھی فیصلہ کیا ہے۔