وفاقی حکومت نے پیٹرولیم مصنوعات پر عائد پیٹرولیم لیوی کی شرح میں ردوبدل کرتے ہوئے نیا نوٹیفکیشن جاری کر دیا ہے۔
نوٹیفکیشن کے مطابق پیٹرول پر پیٹرولیم لیوی میں 6 روپے 22 پیسے فی لیٹر اضافہ کیا گیا ہے، جس کے بعد پیٹرول پر لیوی کی نئی شرح 70 روپے 36 پیسے فی لیٹر ہو گئی ہے۔
دوسری جانب ہائی اسپیڈ ڈیزل پر پیٹرولیم لیوی میں 6 روپے 22 پیسے فی لیٹر کمی کی گئی ہے، جس کے بعد ڈیزل پر لیوی 70 روپے 82 پیسے فی لیٹر مقرر کر دی گئی ہے۔
حکومت کی جانب سے جاری اعلامیے کے مطابق مٹی کے تیل پر پیٹرولیم لیوی کی شرح 20 روپے 36 پیسے فی لیٹر برقرار رکھی گئی ہے، جبکہ پیٹرولیم مصنوعات پر عائد 5 روپے فی لیٹر کاربن لیوی میں بھی کوئی تبدیلی نہیں کی گئی۔نوٹیفکیشن کے مطابق نئی شرحوں کا اطلاق فوری طور پر نافذ العمل ہوگا۔