محکمہ موسمیات نے آئندہ 24 گھنٹوں کے دوران کراچی میں گرم اور مرطوب موسم رہنے کی پیش گوئی کی ہے۔ محکمہ موسمیات کے مطابق کراچی کے مختلف علاقوں میں کہیں کہیں ہلکی بوندا باندی جبکہ بعض مقامات پر تیز ہوائیں بھی چل سکتی ہیں۔
آج شہر کا زیادہ سے زیادہ درجہ حرارت 34 سے 36 ڈگری سینٹی گریڈ کے درمیان رہنے کا امکان ہے۔ اس وقت ہوا میں نمی کا تناسب 75 فیصد ریکارڈ کیا گیا ہے جبکہ سمندری ہوائیں 18 کلومیٹر فی گھنٹہ کی رفتار سے چل رہی ہیں۔