خیبر پختونخوا کے ضلع کرم کے علاقے شلوزان تنگی میں فیڈرل کانسٹیبلری کی ایک چوکی پر مسلح افراد نے حملہ کردیا، جس کے نتیجے میں 7 اہلکار زخمی ہوگئے۔
پولیس کے مطابق حملے کے فوراً بعد فیڈرل کانسٹیبلری کے اہلکاروں نے بھرپور جوابی کارروائی کی، جس کے دوران ایک حملہ آور ہلاک جبکہ متعدد دیگر زخمی ہوگئے۔
پولیس کا کہنا ہے کہ حملہ آور اپنے ہلاک ہونے والے ساتھی کی لاش موقع پر ہی چھوڑ کر فرار ہوگئے، جبکہ زخمی اہلکاروں کو طبی امداد کے لیے قریبی اسپتال منتقل کردیا گیا ہے۔
واقعے کے بعد سیکیورٹی فورسز نے علاقے میں سرچ آپریشن شروع کردیا ہے اور فرار ہونے والے حملہ آوروں کی تلاش جاری ہے۔