وزیراعظم شہباز شریف نے پمز آتشزدگی کے دوران اپنی جان پر کھیل کر نومولود کی جان بچانے والی نرس رضیہ نورین سے ملاقات کی اور ان کی بہادری و جذبے کو سراہا۔
وزیراعظم نے نرس رضیہ نورین کی خدمات کے اعتراف میں انہیں 23 مارچ کو تمغۂ خدمت دینے کا اعلان کیا جبکہ انہیں ایک کروڑ روپے کا انعام بھی دیا۔
شہباز شریف نے کہا کہ رضیہ نورین نے ہمت اور خدا خوفی کے ساتھ اپنی جان خطرے میں ڈال کر بچے کی جان بچائی، پوری قوم کو ان کی جرأت اور بہادری پر فخر ہے۔