ملک بھر میں شہریوں کے لیے پاسپورٹ ڈیلیوری کاؤنٹرز ہفتے کے روز بھی کھلے رکھنے کا اعلان کر دیا گیا ہے۔
محکمہ پاسپورٹس کے اعلامیے کے مطابق کاؤنٹرز ہفتہ کے روز صبح 8 بجے سے شام 4 بجے تک کھلے رہیں گے۔ یہ خصوصی سہولت دو ماہ تک جاری رہے گی۔
شہری ہفتے کے روز بھی اپنے تیار پاسپورٹس وصول کرسکیں گے۔ اعلامیے کے مطابق 6 ماہ سے زائد عرصے تک وصول نہ کیے گئے پاسپورٹس حکومتی پالیسی کے تحت تلف کیے جائیں گے۔