ایشین کرکٹ کونسل (اے سی سی) کے صدر محسن نقوی ویمنز ایشیا کپ 2026 کے فائنل میں شرکت کے لیے دبئی جائیں گے جہاں وہ اختتامی تقریب کے مہمانِ خصوصی ہوں گے۔
ذرائع کے مطابق محسن نقوی فائنل کے بعد انعامات تقسیم کریں گے اور فاتح ٹیم کو ٹرافی پیش کریں گے۔
دوسری جانب ممکنہ طور پر بھارتی ویمن ٹیم کے فاتح بننے کی صورت میں ٹرافی وصول کرنے کے معاملے پر بھی بحث شروع ہوگئی ہے۔ ذرائع کے مطابق گزشتہ برس ایشیا کپ جیتنے والی بھارتی مینز ٹیم نے ٹرافی وصول نہیں کی تھی، جس پر تنازع کھڑا ہوا اور اسے اسپورٹس مین اسپرٹ کے منافی قرار دیتے ہوئے تنقید کا سامنا کرنا پڑا تھا۔