ایشین کرکٹ کونسل نے ایشین گیمز کے مینز اور ویمنز کرکٹ مقابلوں کا شیڈول جاری کردیا۔ کرکٹ مقابلے 17 ستمبر سے 3 اکتوبر تک ہوں گے۔
پاکستان ویمنز ٹیم اپنا پہلا میچ 17 ستمبر کو تھائی لینڈ کے خلاف کھیلے گی، جبکہ ویمنز سیمی فائنلز 20 اور فائنل 22 ستمبر کو ہوگا۔
مینز کرکٹ کا کوالیفائنگ راؤنڈ 24 سے 26 ستمبر تک ہوگا، جبکہ پاکستان 28 ستمبر کو گروپ بی کی دوسری پوزیشن والی ٹیم کے خلاف کھیلے گا۔ مینز سیمی فائنلز یکم اکتوبر اور فائنل 3 اکتوبر کو ہوگا۔
پاکستان، بھارت، بنگلادیش اور سری لنکا کو سیڈڈ ٹیموں میں شامل کیا گیا ہے اور یہ ٹیمیں براہ راست کوارٹر فائنل کھیلیں گی۔