پاکستان ویمنز کرکٹ ٹیم کی کپتان فاطمہ ثنا کو بھارتی کھلاڑی شفالی ورما کو آؤٹ کرنے کے بعد پویلین جانے کا اشارہ کرنے پر آئی سی سی کوڈ آف کنڈکٹ کی خلاف ورزی کا مرتکب قرار دے دیا گیا۔
آئی سی سی کے مطابق فاطمہ ثنا پر میچ فیس کا 10 فیصد جرمانہ عائد کیا گیا ہے جبکہ ان کے ڈسپلنری ریکارڈ میں ایک ڈی میرٹ پوائنٹ بھی شامل کر دیا گیا۔
فاطمہ ثنا کے گزشتہ 24 ماہ میں ڈی میرٹ پوائنٹس کی تعداد 2 ہوگئی ہے۔ انہیں 6 اگست 2025 کو آئرلینڈ کے خلاف میچ میں بھی ایک ڈی میرٹ پوائنٹ ملا تھا۔ فاطمہ ثنا نے جرمانے کی سزا قبول کرلی ہے۔