جوڈیشل کمپلیکس راولپنڈی میں معروف قانون دان ثناء اللہ ستی ایڈووکیٹ کی لاش برآمد ہونے کے واقعے پر ایس ایس پی آپریشنز ملک طارق محبوب نے جائے وقوعہ کا دورہ کیا اور صورتحال کا جائزہ لیا۔
جائے وقوعہ کے معائنے کے بعد میڈیا سے گفتگو کرتے ہوئے ایس ایس پی آپریشنز ملک طارق محبوب نے کہا کہ واقعے کی تمام پہلوؤں اور زاویوں سے جامع تحقیقات کی جا رہی ہیں۔ انہوں نے کہا کہ ثناء اللہ ستی ایڈووکیٹ کی موت کی اصل وجہ فرانزک رپورٹس اور جائے وقوعہ سے حاصل ہونے والے شواہد کی روشنی میں واضح ہوگی۔
پولیس حکام کے مطابق واقعے کی تحقیقات میں سی سی ٹی وی فوٹیجز اور عینی شاہدین کے بیانات بھی شامل کیے جا رہے ہیں، جبکہ تمام دستیاب شواہد کا باریک بینی سے جائزہ لیا جا رہا ہے۔
پولیس کا کہنا ہے کہ تحقیقات مکمل ہونے کے بعد واقعے کے اصل حقائق جلد سامنے لائے جائیں گے۔