پاکستان کرکٹ ٹیم کے سابق کپتان وسیم اکرم نے حکام سے ورلڈ کپ فاتح کپتان اور پاکستان تحریکِ انصاف کے بانی کے ساتھ منصفانہ سلوک کرنے کا مطالبہ کیا ہے۔
انگلینڈ کے سابق کپتان ایان بوتھم کے ساتھ ایک پوڈکاسٹ میں گفتگو کرتے ہوئے انہوں نے بانی پی ٹی آئی کی حمایت میں درخواست پر دستخط کرنے والے تمام کپتانوں کا شکریہ ادا کیا۔
وسیم اکرم نے کہا کہ وہ اپنے سابق کپتان، دوست اور سرپرست کے لیے فکر مند ہیں اور گزشتہ تین سال سے انہوں نے عمران خان کی تصویر تک نہیں دیکھی۔
انہوں نے حکومت پر زور دیا کہ ان کے ساتھ بھی دیگر سیاست دانوں کی طرح منصفانہ اور برابر کا رویہ اختیار کیا جائے۔