لاہور قلندرز کے اونر اور سی ای او عاطف رانا نے ایچ آر ایل گروپ کے وائس چیئرمین اور لاہور قلندرز کے اسٹریٹجک پارٹنر جہانزیب زاہد کے ہمراہ زمبابوے سے تعلق رکھنے والے نوجوان کرکٹرز کا خیرمقدم کیا ہے، جو کیپیٹل اسمارٹ سٹی میں قائم اسمارٹ قلندرز ہائی پرفارمنس سینٹر (Smart-QHPC) میں پانچ ہفتوں کے خصوصی تربیتی پروگرام میں حصہ لے رہے ہیں۔
ملاقات کے دوران زمبابوین کھلاڑیوں کو رسمی طور پر شرٹس پیش کی گئیں اور انہیں سينٹر میں دستیاب جدید سہولیات اور پیشہ ورانہ تربیتی ماحول سے متعلق تفصیلی آگاہی فراہم کی گئی۔ عاطف رانا اور جہانزیب زاہد نے غیر ملکی کھلاڑیوں کو مکمل تعاون کا یقین دلاتے ہوئے تاکید کی کہ وہ ان سہولیات کا بھرپور فائدہ اٹھائیں اور اپنی تکنیکی و جسمانی صلاحیتوں میں مزید بہتری لائیں۔
پانچ ہفتوں پر محیط یہ تربیتی پروگرام لاہور قلندرز کے پلیئر ڈیولپمنٹ ماڈل کو بین الاقوامی سطح پر وسعت دینے کی کوششوں کا حصہ ہے۔ اسمارٹ-QHPC اس اقدام کے ذریعے ابھرتے ہوئے بین الاقوامی کرکٹرز کو اعلیٰ معیار کی جدید تربیت، صلاحیتوں کی نکھار اور ہائی پرفارمنس ماحول میں قیمتی تجربہ حاصل کرنے کا بہترین پلیٹ فارم فراہم کر رہا ہے۔