راولپنڈی کے علاقے ڈھوک نور، ٹلسہ روڈ پر ٹریکٹر ٹرالی سمیت کنویں میں گرنے والے 31 سالہ ڈرائیور کو ریسکیو 1122 کے اہلکاروں نے بروقت کارروائی کرتے ہوئے زندہ نکال لیا۔
ریسکیو 1122 کے مطابق حادثے کی اطلاع ملتے ہی چار ایمرجنسی وہیکلز موقع پر پہنچیں اور امدادی کارروائی شروع کی۔ ریسکیو اہلکاروں نے سخت جدوجہد کے بعد کنویں میں پھنسے ڈرائیور کو بحفاظت باہر نکال لیا۔
ریسکیو حکام کے مطابق متاثرہ ڈرائیور کی شناخت امیر نواز، عمر 31 سال کے نام سے ہوئی ہے۔ امدادی کارروائی کے بعد اسے طبی امداد فراہم کی گئی۔