امریکا میں پاکستانی سماجی کارکن محمد کاشف مرزا کو اعزاز سے نوازا گیا۔
واشنگٹن میں امریکا کے 250ویں جشن آزادی کے حوالے سے منعقدہ تقریب میں سماجی کارکن محمد کاشف مرزا کو عالمی مذہبی آزادی ایوارڈ سے نواز ا گیا۔
انہیں انٹرنیشنل ریلیجیئس فریڈم ایوارڈ آف کریج مذہبی آزادی اور اقلیتی حقوق کے لیے خدمات کے اعتراف میں دیا گیا۔
تقریب میں پاکستان یکجہتی کونسل کےمرکزی رہنما قاری سجاد، پاسٹر شاہد اور راشد گِل نے واشنگٹن میں پاکستان کی نمائندگی کی۔
اس موقع پر خطاب میں محمد کاشف مرزا نے اعزاز پاکستان کے عوام کےنام کرتے ہوئے کہا کہ عالمی اعزاز پاکستان میں بین المذاہب ہم آہنگی کے فروغ کی کوششوں کا اعتراف ہے، انہوں نے آئی آر ایف راؤنڈ ٹیبل پاکستان کی شریک چیئرپرسن انیلا علی سمیت ٹیم اور انسانی حقوق کارکنوں کو خراج تحسین پیش کیا۔