پاکستان میں ڈیجیٹل اثاثوں کی لائسنسنگ کا عمل شروع کردیا گیا۔ چیئرمین پاکستان ورچوئل ریگولیٹری اتھارٹی بلال بن ثاقب کے مطابق لائسنس کے لیے اب تک 70 درخواستیں موصول ہوچکی ہیں۔
انہوں نے بتایا کہ ریگولیٹری فریم ورک پر پورا اترنے والی کمپنیوں کو ڈیجیٹل اثاثوں کی خرید و فروخت کا لائسنس دیا جائے گا۔ ان کے مطابق 6 ماہ میں ریگولیٹری فریم ورک تیار کیا گیا ہے۔
بلال بن ثاقب کا کہنا تھا کہ ڈیجیٹل ترسیلات زر سے موجودہ 6.5 فیصد لاگت کم ہوکر ایک فیصد رہ سکتی ہے، جس سے سالانہ 41 کروڑ ڈالر تک بچت کا امکان ہے۔