پشاور میں شمشتو کیمپ کے قریب ارمڑ کے علاقے میں سی ٹی ڈی نے کارروائی کرتے ہوئے کالعدم تنظیم آئی ایس کے پی کے کمانڈر عمران عرف ابو بکر سمیت 5 دہشت گردوں کو ہلاک کردیا۔
کارروائی کے دوران دہشت گردوں کے قبضے سے ایس ایم جی، 4 پستول، 2 ہینڈ گرینیڈ، ایک آئی ای ڈی، 5 میگزین اور متعدد کارتوس برآمد ہوئے۔
حکام کے مطابق عمران عرف ابو بکر دہشت گردی، بم دھماکوں اور ٹارگٹ کلنگ کے 20 مقدمات میں مطلوب تھا اور 6 فروری 2026 کے ترلئی امام بارگاہ خودکش حملے سمیت متعدد مقدمات میں مطلوب تھا۔ اس کی گرفتاری یا سراغ کی اطلاع پر ایک کروڑ 20 لاکھ روپے انعام مقرر تھا۔ علاقے میں سرچ اینڈ کلیئرنس آپریشن جاری ہے۔