پاکستان کے باصلاحیت گھوڑے 'ایڈن ڈو ویریٹ' (مراج) کو ٹوکیو روانگی کے لیے حتمی اجازت مل گئی ہے، جس کے بعد وہ 14 ستمبر کو جاپان کے لیے پرواز بھرے گا۔
پاکستان نے فرانس میں 60 روزہ منظور شدہ ملک کا قرنطینہ اور اس کے بعد جرمنی میں 10 دن کا پری ایکسپورٹ قرنطینہ (PEQ) کامیابی سے مکمل کرلیا ہے۔
مجموعی طور پر 70 دن پر محیط یہ مدت ایشیائی کھیلوں کی تاریخ کا ممکنہ طور پر طویل ترین پری ایکسپورٹ قرنطینہ ہے۔ اس دوران تمام طبی ٹیسٹوں کے نتائج منفی آئے ہیں۔
ٹوکیو سفر سے قبل اب آخری 72 گھنٹوں کا حتمی تیاری کا منصوبہ فعال کردیا گیا ہے تاکہ تمام امور کی بروقت اور باحفاظت تکمیل کو یقینی بنایا جا سکے۔