پاکستان انڈر 19 کرکٹ ٹیم نے دورۂ انگلینڈ کے دوسرے ون ڈے میچ میں انگلینڈ انڈر 19 کو 122 رنز سے شکست دے کر چار ون ڈے میچوں کی سیریز میں 2-0 کی برتری حاصل کرلی ہے۔
میچ میں شاندار سنچری اسکور کرنے والے بیٹر عبدالقادر نے پی سی بی ڈیجیٹل سے گفتگو کرتے ہوئے بتایا کہ انہوں نے مشکل وکٹ پر بڑی اننگز کھیلنے کی تیاری پہلے سے کر رکھی تھی اور ٹیم مینجمنٹ کی جانب سے ایسی وکٹوں پر کرائی گئی بھرپور پریکٹس سے انہیں کافی فائدہ ہوا۔
عبدالقادر کا کہنا تھا کہ انہوں نے اپنے نیچرل گیم پلان کے مطابق بیٹنگ کی اور وہ آنے والے میچز میں بھی سو فیصد کارکردگی دکھا کر ٹیم کی کامیابی میں اپنا کردار ادا کرنے کی کوشش کریں گے۔
سیریز کا تیسرا ون ڈے میچ 14 ستمبر کو ورمسلے میں کھیلا جائے گا۔