ڈی جی آئی ایس پی آر لیفٹیننٹ جنرل احمد شریف چوہدری نے کہا ہے کہ سعودی عرب کے دفاع کے لیے پاکستان کسی بھی حد تک جائے گا اور پاکستان پوری طرح سعودی عرب کے ساتھ کھڑا ہے۔
عرب ٹی وی کو انٹرویو دیتے ہوئے لیفٹیننٹ جنرل احمد شریف چوہدری نے کہا کہ حرمین شریفین کی حفاظت کے لیے پاکستان وہاں موجود ہے، کسی بھی جارحیت کی صورت میں سعودی عرب کا دفاع جاری رکھیں گے۔
انہوں نے کہا کہ سعودی سیکیورٹی کے لیے پاکستان کا عزم غیرمشروط ہے، دونوں ممالک کے عوام، افواج اور سیاسی قیادت کے درمیان تاریخی اور مضبوط تعلقات ہیں۔
ڈی جی آئی ایس پی آر نے مزید کہا کہ دفاعی وعدوں پر عملدرآمد کا طریقہ کار عوامی سطح پر ظاہر نہیں کیا جاتا، کسی حملے کی صورت میں ردعمل کا فیصلہ پاکستان، سعودی عرب اور ترکیہ باہمی مشاورت سے کریں گے۔
ان کا کہنا تھا کہ مکہ معاہدے کا مقصد دفاعی تعاون کے ذریعے خطے میں امن اور استحکام برقرار رکھنا ہے، جبکہ فوجی کارروائیوں اور سیکیورٹی سے متعلق معلومات کو خفیہ رکھا جاتا ہے