لودھراں اڈا پرمٹ کے علاقے میں نجی اسکول میں کیمیکل سے بھری بوتل اچانک پھٹنے سے خاتون ٹیچر سمیت 14 طلبہ جھلس کر زخمی ہوگئے۔
ریسکیو ذرائع کے مطابق واقعے کی اطلاع ملتے ہی امدادی ٹیمیں موقع پر پہنچ گئیں اور زخمی طلبہ و ٹیچر کو طبی امداد کیلیے اسپتال منتقل کردیا گیا۔
ذرائع کے مطابق واقعے کے بعد اسکول کی نرسری کلاس میں مبینہ طور پر کیمیکل لیب قائم کیے جانے کا بھی انکشاف ہوا ہے، تاہم کیمیکل کی نوعیت اور بوتل پھٹنے کی وجوہات تاحال معلوم نہیں ہوسکیں۔
پولیس نے واقعے کی تحقیقات شروع کردی ہیں جبکہ کیمیکل کی نوعیت معلوم کرنے کیلیے فرانزک ٹیم کو بھی طلب کرلیا گیا ہے۔
حکام کے مطابق واقعے کے تمام پہلوؤں کا جائزہ لیا جارہا ہے اور تحقیقات مکمل ہونے کے بعد مزید حقائق سامنے آئیں گے۔ مذکورہ اسکول پنجاب ایجوکیشن فاؤنڈیشن کے زیر اہتمام چل رہا ہے۔